April 17, 2024

ឧបនាយករដ្ឋមន្រ្តីប្រចាំការ វង្សី វិស្សុត អញ្ជើញសួរសុខទុក្ខឯកឧត្តម សុន គន្ធរ រដ្ឋមន្រ្តីប្រតិភូអមនាយករដ្ឋមន្រ្តី ដែលកំពុងសម្រាកព្យាបាលជំងឺនៅមន្ទីរពេទ្យកាល់ម៉ែត

នារសៀលថ្ងៃទី៤ ខែមីនា ឆ្នាំ២០២៤ ឯកឧត្តម វង្សី វិស្សុត ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី បានអញ្ជើញសួរសុខទុក្ខឯកឧត្តម សុន គន្ធរ រដ្ឋមន្រ្តីប្រតិភូអមនាយករដ្ឋមន្រ្តី ដែលកំពុងសម្រាកព្យាបាលជំងឺនៅមន្ទីរពេទ្យកាល់ម៉ែត។

ក្នុងឱកាសនោះដែរ  ឯកឧត្តមឧបនាយករដ្ឋមន្រ្តីប្រចាំការ វង្សី វិស្សុត និងសហការីបាននាំមកនូវផ្លែឈើ និងថវិការបស់សមាគមសង្គហសង្គមនៃទីស្តីការគណៈរដ្ឋមន្រ្តី ជូនឯកឧត្តម សុន គន្ធរ រដ្ឋមន្រ្តីប្រតិភូអមនាយករដ្ឋមន្រ្តីផងដែរ។

ឯកឧត្តមឧបនាយករដ្ឋមន្រ្តីប្រចាំការ វង្សី វិស្សុត និងសហការបានជូនពរឯកឧត្តម សុន គន្ធរ រដ្ឋមន្រ្តីប្រតិភូអមនាយករដ្ឋមន្រ្តី ឆាប់បានជាសះស្បើយពីជំងឺ ហើយមានកម្លាំងពលំមាំមួន ដើម្បីបានវិលត្រឡប់មកបន្តបំពេញការងារជូនប្រទេសជាតិ និងមាតុភូមិ។